Viral sa social media ang isa ka buyer matapos nagpautwas ini may angut sa gina-ulod nga karne sang baboy nga iya ginbakal sa isa ka meat shop.
Suno sa buyer, ginbakal sang iya asawa ang karne kahapon, takna las-5:30 sang hapon agud magaluto kuntani sang sinigang.
Apang ginkakibot ini sang asawa nga may ulod ang karne nga ila ginbakal.
Gilayon naman nga ginkadtu-an sang mag-asawa ang meat shop kag ginreklamo ang ila ginbakal.
Samtang naga-ayu ang mag-asawa nga ilisan na lang karne sang manok ang karne sang baboy ukon i-refund na lang, wala sang aksyon nga ginhimo ang meat shop bangud nabutang na ini sa ila inventory.
“Pero wala gid gina pilit nyo nga indi gid pwede nga manok ang iilis kag bisan nag-ayu kami nga i-refund na lang indi man pwede. Kung sa diin pa nga gin picturan namun kag naghambal kami nga dira na lang na, amu pa paghambal sang serbedor nyo nga islan namun na lang manok nga daw sya pa ang akig. Kung sa imu to To natabo pakaon mu sa pamilya mo, sa mga bata mu okay man? gamay lang mana tani nga kantidad galing kung ano ya ang matabo samun, manabat kamu? Kagagmay pa sang mga bata ko kung nakaon na nila naglain pa ila tyan.” pahayag pa sang buyer.*
