Friday, March 29, 2024

Ginakabig isa sa mga lider sang NPA patay sa engkwentro sa Guihulngan

- Advertisement -

BACOLOD CITY – Patay ang isa ka ginapatihan katapo sang New People’s Army sa engkwentro sa tunga sang 62nd Infantry Battalion kag mga rebelde sa nabukid nga bahin sang Sitio Banderahan, Barangay Trinidad sa syudad sang Guihulngan, Negros Oriental, takna las 6:00 kaina sang aga, Lunes, Nobyembre 21, 2022.

Nakuha man ang isa ka M16 rifle nga armas nga may tatlo ka mga magazines loaded sang 43 ka rounds sang bala, suno sa report sang 62IB.

Narekober man ang isa ka backpack nga may mga personal nga gamit.

- Advertisement -

Naglawig sang lima ka minutos ang pagbayluhanay sang lupok sa tunga sang mga soldado kag rebelde.

Ginkilala ang napatay nga NPA bilang si Victoriano Baldonado, alyas “Rudy,” 34-anyos, residente sang Barangay Trinidad.

Ginakabig si alyas “Rudy” nga commanding officer sang Section Guerrilla Unit 3 (SGU3), Central Negros Front 1(CN1), Komiteng Rehiyon Negros, Cebu, Bohol, and Siquijor (KR-NCBS) nga naga-operate sa tri-boundaries sang Guihulngan City, Canlaon City sa Negros Oriental kag banwa sang Moises Padilla sa Negros Occidental.

Ginatudlo sang Army ang grupo nanday “Rudy” bilang mga suspek sa likod sang pagpatay kay CAA Joselito Raboy sadtong Setyembre 24, 2022 sa Barangay Montilla, Moises Padilla.*

- Advertisement -
Shiela G. Gelera
Shiela G. Gelera
Shiela G. Gelera is a Bacolod City/Negros Occidental-based journalist who has covered various beats since she started her media career in 2013 up to the present. She had worked with the oldest local daily newspaper in the Visayas before she hopped into the broadcast industry. Currently the news director of Radyo Bandera Sweet FM Bacolod. Aside from being with the local media outfit, she is also a news stringer for a national media network and a story contributor for a local news daily in Bacolod.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles