Ginpalupok sang Amerika ang “spy balloon” nga ginapanag-iyahan sang China, matapos ini nga nakit-an sa kahawaan nga sakop sang Amerika.
Nanindugan ang Pentagon nga nagbayolar ang China sa American sovereignty.
Ang Pentagon amo ang headquarters building sang United States Department of Defense.
Nakita sa kahawaan sang North America ang nasambit nga air craft sa sulod sang pila ka adlaw nga nagdulot sang tensyon sa tunga sang China kag Amerika.
Matapos sini, ginpalukpan sang missile ang “spy balloon” gikan sa F-22 plane sang Amerika.
Nagtupa ang debris sang spy balloon sa dagat nga may kadalumon lamang nga 47 feet.
Ginkumpirmar ni US president Joe Biden, nga iya ginmandu sa gilayon ang pagpalupok sang spy balloon, sang nakit-an ini sa kahawaan sang Amerika.
Isa naman ka senior official sang Amerika ang nagpalayag nga ila na ginatingwaan nga ma recover ang mga “debris” okon nawas-ag nga parti sang nasambit nga spy balloon.
