Nagbata sang kapid ang isa ka 19-anyos nga babayi sa Brazil nga lain-lain ang amay.
Gin-alegar nga nagpakighilawas ang teenager sa duha ka mga lalaki sa kapareho nga adlaw.
“I remembered that I had had sex with another man and called him to take the test, which was positive,” suno sa teenager.
Samtang nagahilapit na ang una nga kaadlawan sang kapid, nagalibog ang ulo sang babayi kung sino ang amay nila, gani nagdesisyon ini nga mag-paternity test agud ikumpirma ang iya suspitso, suno sa report sang news outlet nga Globo.
Nakibot ang teenager sang iya nahibaluan nga ang iya kapid nga bata ang naghalin sa duha ka nagkalain-lain nga lalaki.
“I didn’t know this could happen. They are very similar,” suno sa iloy.
Ginpahayag ni Dr. Tulio Jorge Franco, ang doktor sang teenager, nga pinasahi ukon “one-in-a-million” nga pagbusong ang ini nga kaso.
“It is possible to happen when two eggs from the same mother are fertilized by different men,” suno kay Dr. Franco.
Ginatawag ini nga kaso bilang “heteropaternal superfecundation” kun sa diin ang ikaduha nga ova nga na-release sa tion sang menstrual cycle ang na-fertilized sang sperm cells nga halin sa lain nga lalaki sa separado nga pakighilawas, suno sa Biomedica.
“The babies share the mother’s genetic material, but they grow in different placentas,” dugang pa ni Dr. Franco.
Sa karon, 1 ka tuig 4 ka bulan na ang kapid.*
