Makita sa litrato nga ginakay-o na sang Wilkinson Construction ang dalan sa Brgy. Mansilingan nga ginareklamo sang mga pumuluyo bangod sa ginpabay-an nga buho nga wala ginbalikan agud kuntani palaparon ang nasambit nga dalan.
Madumduman, nga sang damlag lang nagpabutyag sang sentemyento ang mga residente sang nasambit nga Barangay sa waragrawagan sang Radyo Bandera agud mahimuan sang aksyon ang nasambit nga problema.
Nahibaluan, nga isa ka resolusyon ang ginpasar sa kongreso sang syudad nga nagamandu sang “5 days explanation” sa contractor matapos ang kapaslawan sa madasig nga pagtapos sa proyekto kag naglawig sang 3 na ka bulan ang perwisyo sang buho sa dalan sa mga pumuluyo sang nasambit nga Barangay.