Gin-anunsyo sang GMA 7 nga magapaguha sila sang official statement agud makumpirmar ang bulaganay nanday Senator Chiz Escudero kag aktres nga si Heart Evangelista.
Suno sa reliable source, maayo lamang ang pagbulagay sang anay mag-asawa.
May naghatag man sang advice kay Heart nga ‘take the high road’ kag “wag nang tumulad sa ibang ginagawang diary ang social media.”
Gina-alegar nga generation gap ang rason sa nasambit nga bulaganay sang mag-asawa.
Samtang, naghimo man sang nagkalain-lain nga spekyulasyon ang video ni Heart kun diin nangin emosyonal ini sang ginpasuksok sa iya ang isa ka Bvlgari necklace nga nagabalor sa milyones pesos para sa isa ka magazine pictorial.
Madamo naman ang naguha nga interpretasyon sa nasambit nga video kag kalabanan diri ang posibilidad nga bulaganay nanday Heart kag Chiz.
May nagahambal naman nga basi ini ang pinakauna nga tion nga makasuksok si Heart sang mamahalon nga Bvlgari necklace nga gina-endorso nanday hollywood actress nga si Anne Hathaway kag Lalisa Manobal sang Blackpink.
Madumduman nga una nga ginhambal ni Heart sa iya vlog nga, “I’m not gonna lie, I’ve been going through a lot of personal stuff in my mind. I’m not gonna deny that I’ve been going through some personal struggles… I feel a lot of pressure in my life, and basically now, I’m really in search of just being happy.”
