Nagpasalig ang gobyerno nasyunal nga pasanyugon ang lokal nga industriya sang asin, suno sa Office of the Press Secretary (OPS) sini nga Lunes, Agosto 29, 2022.
Ang Department of Agriculture, nga ginapangunahan ni Presidente Ferdinand “Bongbong” Marcos Jr. ang maga-trabaho kaupod ang Bureau of Fisheries and Aquatic Resources (BFAR) agud maghimo sang nagkalain-lain nga research kag development activities, pati na ang paghatag bulig sa mga nagahimo sang asin.
“Tutulong ang ating pamahalaan para sa modernisasyon ng ating industriya ng pag-aasin. The national government is now working double time to beef up support for the salt industry to enhance the production of local salt in the country,” suno kay Press Secretary Trixie Cruz-Angeles.
Sadtong 2021, naglunsar ang BFAR sang P100-million Development oof the Salt Industry Project (DSIP) sa idalum sang Special Budget Request (SBR) sang Congressional-Introduced Initiative Project nga nalakipan sang mga rehiyon sang Ilocos, Western Visayas kag Zamboanga Peninsula.
Suno sa OPS, naga-import sang 93 porsyento sang suplay sang asin ang Pilipinas, nga ginakabig nila nga “unfortunate circumstance to a country with 36,000 kilometers of shoreline.”
Ginabasol ang manubo nga produksyon sang asin sa Pilipinas sa pigaw nga quality control kag wala sang product improvement sa sulod sang madamo na nga tinuig.*
