Gobyerno magalunsyar sang programa nga magabulig sa mga mangunguma nga mapataas ang produksyon sang sibuyas bombay

Magalunsyar sang programa ang gobyerno nga magabulig sa mga mangunguma agud mapataas ang produksyon sang mga sibuyas bombay.

Suno kay Presidente Ferdinand Marcos Jr., ini ang igapatuman sang pamahalaan paagi sa pagdugang sang mga duta nga tanuman sang sibuyas bombay kag paghatag sang inputs sa mga mangunguma.

Dugang pa ni Marcos, isa sa mga problema kun ngaa nagakulang ang suplay sang mga sibuyas bombay ang kakulang sa cold storage facility.

Suno pa sa iya, kinahanglan sang mas madamo kag mabakod nga cold chain sang pungsod agud mapreserba ang mga agri products.*