BACOLOD CITY– Nag-tambong sanday Olympic gold medalists Hidilyn Diaz-Naranjo kag Arianne Cerdeña-Valdez subong nga adlaw sang Lunes, Oktubre 17, 2022 sa courtesy call ni Philippine Sports Commission (PSC) Chairman nga si Noli Eala.
Nagdaug si Cerdeña-Valdez sadtong 1988 Summer Olympic Games sa Seoul, South Korea sa sports nga bowling apang si Diaz-Naranjo naman nagdaug sa 2020 Tokyo Olympics sa sports nga weightlifting.
Suno naman kay Cerdeña-Valdez, na-overwhelmed ini sang makita niya si Diaz kag proud man siya sa nalab-ot sang 33-anyos nga atleta.
Suno naman kay Diaz-Naranjo, nagapasalamat ini bangud nakilala kag nangin inspirasyon man niya si Valdez nga naghatag man sang dungog sa pungsod Pilipinas.
Ang 60-anyos nga si Valdez ang isa na subong ka registered nurse sa Dignity Health-California Hospital Medical Center apang naga-training naman si Diaz para sa 2024 Paris Olympics.*
