GORDON HANDA MAG-ATUBANG SA COA SANG SUBIC FUNDS

Handa nga magpangatubang si Senator Richard Gordon sa Commission on Audit (COA) angut sa gina-akusar sa iya ni Presidente Rodrigo Duterte nga P86 million nga gin-alegar iya ginbulsa sang siya ang chairman sang Subic Bay Metropolitan Authority (SBMA).

Si Gordon ang chairman sang Senate Blue Ribbon committee nga naga-imbestigar sang gina-alegar anomaliya sa pagbakal sang pandemic supplies sang gobyerno gikan sa Pharmally.

“I’ll face the COA. You’re hitting me about Subic, I’ll face that. I can answer that. I’ve nothing to be ashamed of because the country progressed and many got jobs when I led Subic,” suno kay Gordon.

Ginhambalan man ni Gordon si Duterte nga indi magbutig bangud ang kaso ang batok sa SBMA kag indi parte sa iya.