Friday, October 7, 2022

Gov Lacson Ginhatagan Sang Performance Score Nga 8 Si Presidente Digong

- Advertisement -

Score nga 8 sa rate nga 1-10 ang ginhatag ni Negros Occidental Governor Eugenio Jose “Bong” Lacson sa performance ni Presidente Rodrigo Roa Duterte kun programa sang ekonomiya sang pungsod ang pagahambalan.

Suno kay Lacson nga antes pa sang COVID-19 pandemic sang tuig 2019, may maayo nga ekonomiya ang pungsod apang bangud sang pandemic halos ang ekonomiya sang tanan nga pungsod ang naapektuhan.

Ginhatagan naman ni Mayor Salvador “Bading” Escalante sang score nga 7.5-8 si PRRD bangud sa vaccination program kontra Covid-19 sang national government kag may mga ginapanghatag pa nga libre nga mga bakuna sa mga LGU.

- Advertisement -

Ginsiling man ni Salvador nga indi makumparar si PRRD sa iban nga past presidents bangud yara sa “abnormal times” ang pungsod tuga sang pandemic.

May yara lamang sang kakulangan sa pagpatuman sang national policies ilabi na sa issue sa West Philippines Sea kag dapat tindugan sang national government ang desisyon sa arbitral tribunal nga nagapabor sa Pilipipinas suno pa sa kay Escalante.

Bangud naman sang mga landmark projects ni PRRD nga universal health care program kag free tertiary tuition rason nga gin hatagan naman ni Provincial Consultant on Economic Affairs Alfredo “Albee” Benitez si President Digong sang score nga 7-8.*

- Advertisement -
Jinn Siatita
Jinn Siatita
Jinn Siatita, a radio reporter and a news writer in one of the local FM radio stations in Bacolod. Honed by the best and molded by experts.

Related Articles

Leave a Reply

Stay Connected

- Advertisement -

Latest Articles