Gov. Lacson Ginmandu ang Paghanda sang Molecular Laboratory sang Negros Occidental Bangud sa Pagpamahug sang Monkeypox

NEGROS OCCIDENTAL – Bangud sang pagpamahug sa posible nga pagsulod sa Negros Occidental sang monkeypox, ginmandu karon ni Governor Eugenio Jose Lacson nga ihanda ang molecular laboratory.

Ginmandu man sang Gobernador ang pagpatigayun sang training sa mga personnel sa Molecular Laboratory nga magapatigayon sang RT-PCR testing agud ma- detect ang pasyente nga may monkeypox.

Suno kay Atty. Rayfrando Diaz II, may kaugalingon nga RT-PCR machine ang  probinsya nga mahimo paga usaron sa pag testing sa mga pasyente nga ginasuspetsuhan may monkeypox.

Dugang pa ni Diaz, bangud nga may kaugalingon na nga machine ang Negros Occidental, test kit na lamang nga para sa monkeypox ang pagabaklon sang probinsya.*