Ginpahibalo sang Department of Budget and Management (DBM), nga magabaton na sang year end bonus kag cash gift ang tanan nga kwalipikado nga empleyado sang gobyerno, martes nga adlaw, Nobyembre 15.
Magabaton man sang bonus kag cash gift ang mga uniformed/military personnel.
Suno sa DBM, naglab-ot sa P56,733,480,000 ang total budget sang year end bonus kag cash gifts sang mga empleyado sang gobyerno sini nga tuig.
Ang year end bonus equivalent sang isa ka bulan nga basic pay sang empleyado, samtang P5,000 naman ang cash gift.