Dismayado si Governor Eugenio Jose Lacson sa resulta sa nagtakop nga Western Visayas Regional Athletic Association (WVRAA) Meet nga ginhiwat sa probinsya sang Aklan sadtong Abril 26 tubtob 30, 2023.
Madumduman nga sa nagtakop nga WVRAA Meet nangin 1st runner-up lamang ang delegasyon sang Negros Occidental.
Suno kay Lacson, wala niya ginkalipay ang resulta sang palaro kun sa diin ginlutos sang probinsya sang Iloilo ang Negros Occidental.
Apang sa pihak nga bahin gin-panginbulahan sang gobernador ang tanan nga mga atleta sa paghimo sang tanan nila nga ikasarang sa pagpasakop sang probinsya sa regional meet.
Dugang pa sang Gobernador pagakabigon kuntani ini sang tanan agud mangin mas maayo pa ang performance sang mga atleta sa madason nga WVRAA.
Sandig sa resulta sang Regional Meet nangin overall champion ang probinsya sang Iloilo kun sa diin nakakuha sila sang 172 gold medals, 119 silvers kag 83 bronzes.
Samtang ang Negros Occidental ang nangin First Runner-Up nga nakatipon sang 147 gold medals, 137 silvers kag 83 bronzes.*
