Friday, March 29, 2024

Grade 10 student nga nakuhaan granada sa Talisay magapang-atubang tatlo ka kaso

- Advertisement -

TALISAY CITY, NEGROS – Tatlo ka mga kaso ang posible atubangon sang Grade 10 student nga nakuhaan sang granada sa Rafael B. Lacson National High School sa siudad sang Talisay, Negros Occidental sini nga Martes, Abril 4.

Photo courtesy of RB Intern Edric Miles Paguntalan
Photo courtesy of RB Intern Edric Miles Paguntalan.

Nalakip sa posible ipasaka nga mga kaso sa suspetsado nga ginkilala kay Bronson Lucas Lacson, 21-anyos nga estudyante sang nasambit nga buluthuan, amo ang paglapas sa Republic Act 9516 angut sa iligal nga paghupot sang explosives kaangay sang granada.

Photo courtesy of RB Intern Edric Miles Paguntalan
Photo courtesy of RB Intern Edric Miles Paguntalan.

Ikaduha nga kaso ang paglapas sa RA 9165 ukon ang “Comprehensive Dangerous Drugs Act bangud nakuhaan man sang ‘marijuana buds’ ang estudyante.

- Advertisement -
Photo courtesy of RB Intern Edric Miles Paguntalan
Photo courtesy of RB Intern Edric Miles Paguntalan.

Mahimo man nga pasakaan ini sang kaso nga ‘grave threat’ bangud sa ginhimo sini nga pagpamahog sa isa ka traysikad drayber.

Kaina sang aga sini nga Martes, gin-report sa Talisay City Police Station sang traysikad drayber nga si Rolando Dionson nga ginpahog ini sang estudyante nga magasakay kuntani.

Ginbalibaran ini sang traysikad drayber kag didto na namahog ang estudyante nga ilampus sa iya ulo ang granada.

Ginkakibot naman sang adviser kag sang nobya sang estudyante sang mahibaluan ang insidente.

Suno sa adviser, hiposon, maayo nga bata, kag wala sang nugbo nga grado ang nasambit nga estudyante.

Ginkumpirmar naman sang estudyante nga duha ka tuig na nga yara sa iya ang granada.

Nakuha niya ini pinaagi sa “dead drop” kun diin ginbilin lamang ini sa Bacolod sang wala makilala nga contact nga iya naka-estorya pinaagi sa “dummy account” sa social media.

Ginpanginwala man sang estudyante nga ginpahog sini ang nasambit nga traysikad drayber.

- Advertisement -

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles