BACOOR CITY, CAVITE– Himas-rehas subong ang duha ka pulis matapos nangin imbolbado sa pagpanghimulos sa isa ka Grade 12 student sa Bacoor City, Cavite sadtong Huwebes, Marso 22, 2023.
Suno sa report, ginkilala ang duha ka pulis nga sanday Master Sergeant Rey Mendoza Pogoso kag Corporal Bryan Santiago Baladjay nga na-assign sa Police Community Precinct 1 sa Imus City Police sa Cavite.
Arestado ang duha ka mga pulis matapos makabaton sang reklamo nga ginhimuslan ang 18-anyos nga estudyante.
Ginbaya-an sang mga suspek ang ila ubra kag nag-inom sang makahulubog nga ilimnon kaupod ang biktima kag iya mga abyan.
Sang nagapahuway ang biktima, ginpilit sang mga suspek nga ipakaon ang kinatawo sa estudyante.
Matapos sang pagpanghimulos, nakapalagyo ang biktima kag nagpangayo sang bulig sa mga abyan.
Magapangatubang naman sa kaso nga rape by sexual assault kag administratibo ang duha ka pulis.*
