Grandstand Sa Colombia, Nag-Collapsed; Apat Ka Persona Patay, Ginatos Nasamaran

Nabawian sang kabuhi ang apat ka mga persona, matapos nga nag collapsed ang grandstand sa Central Colombia.

Nagalantaw sang “bullfight” ang mga biktima sang magluntad ang insidente sa siudad sang El Espinal sa Tolima state sang tinalikdan nga domingo.

Ang bullfight, isa ka traditional event sa Colombia nga ginatawag “corraleja”, sa diin pwede nga magsulod sa ring ang sin-o man nga yara sa publiko agud mag-away sa toro.

Sa mga video nakit-an ang pagkahulog sang madamu nga tawo sa sulod sang arena samtang yara pa ang mga toro.