Grupo sang mga Pinay Nagpatukod sang Bibingka Café sa Dubai

DUBAI– Nagpatukod sang Bibingka Café ang isa ka grupo sang mga pinay nga ila gintawag nga “Bibingka and Paratha Cafeteria” sa Satwa District sa Dubai.

Ginpangunahan sang industrial engineer kag anay restaurant manager nga si Daisy Calabia nga tumandok sa Mariveles, Bataan ang pagpatukod sang nasambit nga café.

Kaupod ni Calabia sa grupo bilang business partners sanday Evangeline Monjardin, isa ka architect kag Rubelin Zamora, isa naman ka company human resource officer.