Gwardya sa Bacolod gindakop sa paglapas sa ‘Comprehensive Firearms and Ammunition Regulation Act’

Naglumaw-lumaw ang isa ka security guard matapos ginserbehan sang mandamiento de aresto sang Escalante City Police Station sa dalan Burgos sa siudad sang Bacolod pasado las-7 kagab-i sang Lunes, Marso 27.

Ginkilala ang gwardya sa kay Efren Arnejo, 31-anyos nga residente sang Purok Nangka, Brgy. Jonobjonob, siudad sang Escalante.

Gindakop ang gwardya sa kaso nga paglapas sa Republic Act 10591 ukon ang ‘Comprehensive Firearms and Ammunition Regulation Act’ nga ginpapanaug sang Regional Trial Court Sixth Judicial Region, Branch 57, sa siudad sang San Carlos sang Setyembre 20, 2021.

Gindala na ang gwardya sa kustodiya sang nasambit nga police station.

Wala naman sang ginarekomendar nga piyansa para sa gina-atubang nga kaso sang akusado.