Ginfile sa House of Representatives ang hagna nga magahatag sang financial assistance tubtob P150,000 para sa mga pigado nga Pilipino sa tion sang emerhensya.
Tinutuyo sang House Bill No. 10428 nga ginfile ni Speaker Lord Allan Velasco kag Deputy Minority Leader Stella Quimbo, nga i-institutionalize ang Assistance to Individuals in Crisis Situation (AICS) program sang Department of Social Welfare and Development (DSWD).
Sa idalom sang AICS program, magahatag sang gilayon nga financial relief sa mga miyembro sang marginalized sectors sa tion sang emerhensya kaangay sang pagmasakit ukon pagtaliwan sang ila miyembro sang pamilya.
Mahimo maghatag sang cash grant ang DSWD sumugod P1,000 tubtob P150,000 para sa mga kwalipikado nga benepisyaryo depende sa ila panginahanglanon kaangay sang pondo para sa lubong, educational ukon medical fees.
Kung mapasar ang amo nga hagna, regular nga pagapondohan ang AICS program sang annual national budget.
