Sa ikatatlo nga adlaw sang vaccination program sang gobyerno nga ginsuguran sadtong Lunes nga adlaw, padayon na nga nagataas ang kadamoon sang mga health workers sa nagkalain-lain nga hospital sa pungsod nga nagpabakuna sang Sinovac nga himo sang China.
Nagsugod na kahapon nga adlaw ang pagpakuna sa East Medcial Center sa Quezon City sa pag-abot sang ila supply sang Sinovac kag sugod alas 12:00 sang ugto, naglab-ot sa 144 ka staff na sang EAMC ang nabakunahan.
Si Health Secretary Francisco Duque III ang nagbakuna sa medical chief sang hospital nga si Dr. Alfonso Nuñez kag isa ka nurse nga si Rosemarie Reyes.
Aminado si Duque nga 17 porsiyento lang sang 3.4 milyong health care workers ang pwede makabaton sang 600,000 doses sang Sinovac.
Ginsugdan naman ang pagpabakuna sa Valenzuela City sa diin, 200 ka vaccines ang na-gamit.
Nagalab-ot sa 50 ka bakuna ang na-administer sa medical frontliners sa Valenzuela Emergency Hospital.
Nagpangayon naman ang pamunuan sang Philippine General Hospital sa Department of Health (DOH) sang dugang nga suplay sang COVID-19 vaccine bangod sa una nga 1,200 nga nabakunahan, nagalab-ot sa 2,000 ang luyag magpabakuna.
Gilayon naman ini gin-aprubahan kag gin-aksyunan sang DOH kag gindeliver na ang ginpangayo nga supply.
