Gindayaw ni Presidente Rodrigo Duterte ang hearing sang isa ka komite sa Kamara nahanungod sa ginapahayag mahal nga pagbakal sang gobyerno sa COVID-19 medical supplies.
Suno kay Duterte, patas kag wala sang pagpangbully sang hearing sang House Committee on Good Government and Public Accountability bangud mas nahatagan ang mga resource person sang tinion nga makapaathag sa mga akusasyon nahanungod sa paggamit sang COVID-19 funds.
“Those who were called to testify were able to complete their story and it was a more sane inquiry because ang mga witnesses nakapagsalita ng kanilang totoong sagot,” pahayag ni Duterte.
Madumduman nga ginpahayag ni Commission on Audit (COA) Chairperson Michael Aguinaldo nga indi COA ang nagsiling nga overpriced ang mga nabakal sang gobyerno.
Nag-atubang man sa hearing si anay Department of Budget and Management-Procurement Service director Warren Rex Liong, nga naga-insister nga nagasanto sa layi ang nangin proseso sang procurement.
Suno kay Duterte, kun ipaanggid sa Senate hearing, bal-anon nga ginapilit sang mga senador nga itum-ok nga may yara gid sang anomaliya sa pagbakal sang medical supplies.
