Bangud sang igo sang bala sa ulo, nabawian sang kabuhi ang hepe sang banwa sa San Miguel, probinsya sang Bulacan, Sabado sang gab-i.
Ginkilala ang pinuno sang San Miguel PNP nga si Police Lieutenant Colonel Marlon Serna.
Nagluntad ang pagpangluthang sa San Ildefonso.
Las 9:00 sang gab-i, nakabaton sang report ang San Miguel PNP angut sa “robbery incident” sa Barangay San Juan, gani ginpatigayon na sang kapulisan ang operasyon, nga ginpangunahan ni Serna.
Nakit-an ang duha ka mga suspeks nga nagasakay sa motorsiklo sa Buhol na Mangga sa banwa sang San Ildefonso. Diri na nagluntad ang pagluthang sang mga suspetsado sa hepe sang San Miguel.
Gindala pa sa ospital ang biktima, apang nabawian sang kabuhi.
Sa nasambit nga insidente, nakaangkon man sang igo sang bala ang 17 anyos nga lalaki.
Padayon pa nga ginapangita sang kapulisan ang duha ka mga suspek.*
