Monday, June 17, 2024

High Value Individual nga Nakuhaan sang P4.3 Milyones Nga Balor sang ‘Shabu’ Konektado kay Alex Soberano nga Ginpatay kag Ginlubong sa Vista Alegre

- Advertisement -

Ginkumpirmar ni Police Major Joery Puerto, hepe sang Bacolod Police Station 8 nga konektado ang high value individual nga si Ahzer Villarosa nga nakuhaan sang P4.3 milyones nga balor sang iligal nga druga sa Brgy. Pahanocoy kagab-i kay Alex Soberano nga nasapwan nga nakalubong sa duta sa Brgy. Vista Alegre tinalikdan nga Hulyo 31.

Sa interview sang Radyo Bandera Bacolod ginpahayag sang hepe, nga nagdunganay sa sulod sang BJMP Handumanan ang duha sa diin si Villarosa ang sadto anay may kaso nga murder samtang paglapas naman sa Republic Act 9165 ang ginapangatubang ni Soberano.

Tuig 2019 nakaggwa sa prisuhan si Villarosa bangud suno kay Puerto na-dismiss ang kaso sini apang si Soberano naman ang ginturn-over sa New Bilibid Prison sa Muntinlupa.

- Advertisement -

Dugang pa diri, naka-establisyar sang contact si Villarosa kay Soberano rason nga nag-intra man ini sa transaksyon sang iligal nga druga.

Pahayag ni Puerto, sa ila nabaton nga impormasyon, isa si Villarosa sa lima ka mga persona nga ginadagdagan ni Soberano sang druga sa Bacolod kag Negros Occidental.

Nagapati ang hepe nga ang ila nakumpiskar nga items kagab-i ang kabahin pa sang apat ka kilo nga shabu nga ginhulog kay Villarosa antes ginpatay si Soberano.

Nahibaluan nga si Soberano man ang source sang milyones nga iligal nga druga nga nakumpiskar sa duha ka mga babayi nga taga siudad sang Quezon kag nadakpan sa siudad sang Silay tinalikdan nga bulan. Ginamonitor naman karon sang mga otoridad kun sin-o ang nagbulos kay Soberano kag kun sin-o pa ang tatlo sini ka mga bodegero nga ginadagdagan sa Bacolod.*

- Advertisement -
Jinn Siatita
Jinn Siatita
Jinn Siatita, a radio reporter and a news writer in one of the local FM radio stations in Bacolod. Honed by the best and molded by experts.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles