RBSFM NEWSCENTER – Nangin madinalag-on ang gin hiwat nga mobile community pantry sang Highway Patrol Group (HPG) Negros Occidental kag Radyo Bandera Sweet FM sa tatlo ka mga Barangay sa ciudad sang Bacolod nga amo ang Barangay Alijis, Felisa kag Handumanan.
Masobra sa 300,000 pesos nga balor sang pagkaon, food supplements, utanon kag bugas ang napanghatag sa mga poorest of the poor residents.
Ang HPG team ang gin pangunahan mismo sang Hepe sang Highway Patrol Group – Negros Occidental field office nga si Police Major Robelito Mariano, kaupod man sanday PSSGTs Ryan Cerveza, Meni, kag PCPL Cosio. Samtang ang Radyo Bandera naman ang gin pangunahan ni Doc Ramel Uy, ang Chief Executive Officer sang Radyo Bandera Network, Clinica de Alternativo Medicina kag RYU Foundation.
Madamo pa nga mga programa sa pag bulig sa mga pigado ilabi na subong nga pangdemya ang Highway Patrol Group kag Radyo Bandera Sweet FM Network.
