NEGROS OCCIDENTAL– Pagapasakaan sang kaso ang nagkatay sang hinuptanan nga ido matapos mabunggu-an kag ginkatay sa Cauayan, Negros Occidental, suno sa tag-iya sang ido.
Sa report sang isa ka news source, ginpakigbahin ni Kate Escultura nga nangin miyembro na sang pamilya ang ido nga si “Xavier”.
Sadtong Marso 5, nagtaliwan si Xavier matapos ginbunggu-an sang wala mahibalu-an nga salakyan.
Apang isa ka residente sa lugar ang nag-aku nga ginkuha niya ini kag gindala gilayon sa balay.
Nagapangluya ang Pamilya Escultura matapos makita ang ila ido nga na-chop-chop na.
“Na-chop-chop na siya. Masakit. Ang iba hindi nila maintindihan kasi para sa kanila aso lang si Xavier. Pero para sa amin mahal namin siya tapos nakita namin na binalatan na siya, mabaho na,” suno kay Kate.
Gilayon naman ginkuha ang mga parte sang lawas ni Xavier kag ginlubong sang pamilya.
Wala naman ginpangalanan sang mga otoridad ang lalaki nga nagkatay sa ido.
Desidido ang pamilya nga pagapasakaan sang kaso ang lalaki.*
