Friday, March 29, 2024

HOSTAGE CRISIS | Seaman Nga Armado Sang High-Powered Firearm, Gin Hostage Ang Iya Iloy Sa Victorias City

- Advertisement -

RBSFM INVESTIGATIVE REPORTS TEAM – Gin hostage sang isa ka 2nd-mate nga seaman ang iya kaugalingon nga iloy sa sulod sang ila puluy-an kagab-i, sa Yapquina Street, Barangay 4, Victorias City, Negros Occidental.

THE SUSPECT

Ang suspetsado ang gin kialala nga si TOTSIE GRECIA, 39 anyos, soltero kag isa ka seaman. Suno sa iloy nga si Luisa, ang iya bata ang bag-o lamang naka panaug sa barko sang nag ligad nga Agosto 26 apang ini ang gin derecho sa quarantine site gani mapila pa lamang ini ka semana nga naga tinir sa ila balay.

- Advertisement -

ALWAYS CAUSING TROUBLE WHEN AT HOME

Suno sa hinablos nga lalaki, ang suspect ang masami naga maoy kun ini ang maka pauli matapos mag panaug sa barko. Bagay nga gin confirmar sang mga otoridad bangud ini ang naka agi na dakop sang pulis bangud sa pag maoy sa ila lugar. A DRUG USERSuno man sa mga kaingod, ang suspect ang naga gamit sang illegal nga droga. Sa pag pangusisa sang Radyo Bandera Investigative Team sa mga pulis sang Victorias CPS, wala sa drugwatch list ang pangalan sang suspect apang sila ang may mga reports nga nabaton nga ini ang naga naga gamit sang illegal nga droga.

NO FOOD, NO SLEEP FOR DAYS

Sa interview sang Radyo Bandera sa iloy, ang suspect ang pila na ka adlaw nga wala sang kaon kag wala man naga tulog. Kahapon sang aga, ini na ang naga wakal bahin sa kulto kag may yara kuno sang mga tawo nga may malain ang plano sa iya kag ini sya ang gina hypnotize.

SHOTS FIRED!

6:30 PM, September 25.Base sa panaysayon sang iloy sa kay Victorias MPS chief Lieutenant Colonel Eduardo Corpuz, sang aga pa lang, gin alegar nga naga waras na sa ila balay ang suspect kag may gina wakal bahin sa kulto.Nag attend sa isa ka party ang iloy kag ang suspect lamang ang nabilin sa ila puluy-an. Pag pauli sang iloy, may dala ini nga madamo nga pagkaon kag gin butang sa lamesa. Gin tawag sini ang suspect nga yara pa sa banyo nga mag kaon na bangud pila na ka adlaw nga wala ini nagakaon. Pag abot sini sa lamesa, gilayon nga nag singgitan ang suspect kun sin-o nag luto sang mga pagkaon. Dugang pa sang iloy, ini ang ang singgit “ang nag luto sini, mabalik gid sa lawas nila.” Kag gin pang pilak sang suspect ang tanan nga pagkaon sa lababo.Pagkatapos, nag saka sa 2nd floor ang suspect kag gin kuha ang isa ka high-powered sniper’s rifle kag gin balikan ang iloy sa dalom. Tuman ang kahadlok sang iloy sang gin tutukan ini sang suspect sang bitbit nga armas kag gin pang was-ag sini ang mga galonan sang tubig kag nagkala ula sa salog. Ini man ang nag palupok sang bitbit nga armas sa sulod sang balay samtang gina singgitan ang iloy kun sino ang nag preparar sang pagkaon.Mahinay nga nag lakat pa gwa sa salas ang iloy bangud nagadanaw ang salog sang nakala ula nga tubig kag nag pungko ini sa naka park nga pick up sa garahe. Ini man ang gin sunod sang suspect kag liwat nga nag palupok sang armas kag ang bala ang nag igo sa steel gate. Samtang naga palangorog sa nerbiyos, nag ayo ang iloy sa suspect nga kun pwedi, ini sya ang maka gwa kay may baklon apang nag singgit ang suspect nga “indi ka da mag halin.” Padayon ang wakal sang suspect kun sino ang nag hipnotize sa iya kag liwat nga nag palupok.(3 ka mga bullet holes ang nakit-an sang mga otoridad sa balay. Isa sa gate, isa sa bintana nga nag buka sang kristal, kag isa sa dingding sang salas. May mga empty shells man nga nakit-an).Padayon ang pag wakal sang suspect samtang gina taya sini ang armas sa iya iloy. Sang makabati sang lupok ang mga neighbors, gilayon nga nag tawag sang pulis. Bangud nasa 200 meters man lang ang kalayoon sang police headquarters sa balay sang suspect, madasig nga naka responde ang mga pulis.6:55PM Nag sulod balik ang suspect sa balay kag didto na, nakita sang pobre nga iloy nga abyerto ang magamay nga gate gani ini ang naka kita sang chance nga mag gwa agud mag palagyo. Samtang naga dalagan ini sa dalan, ini ang gin sugata sang isa ka pulis kag gin pasakay sa patrol. Didto na kag naka panugid sa mga pulis nga armado sang long fire-arm ang iya bata. Bangud may mga cctv ang palibot sang balay nga naka angot sa cellphone sang suspect, nakita sini nga may mga pulis na sa sagwa gani gin patay sang suspect ang mga suga sa sulod sang balay.

STANDOFF

Bangud nga armado kag dulom ang palibot sang balay, nag desisyon ang hepe sang Victorias PNP Lieutenant Colonel Eduardo Corpuz, nga ipaagi na lamang sa peaceful negotiation ang tanan nga efforts samtang gina libutan sang mga SWAT team nga nag halin pa sa NOCCPO ang balay agud mapa siguro nga indi maka pang halit sa palibot ang armado nga suspect. Gin seal off sang pulis ang bilog nga block agud wala sang civilian sa dalan. Gin patay man ang tanan nga suga sa poste kag sa palibot nga mga balay agud indi makita sang suspect ang palibot. Wala man sang pulis nga makit-an sa dalan bangud may yara sang cctv monitor ang suspect.

NO FB LIVE, NO REPORTS ON RADIO

Hugot nga gin patuman ni LT COL NASSER CANJA, Deputy Provincial Director for Operations (DPDO) sang Negros Occidental Police Provincial Office (NOCPPO) nga wala sang media nga mag Facebook live ukon mag report sa radyo nahanungod sa sitwasyon sa sagwa bangud naga monitor ang suspect sa iya Facebook kag naga pamati man sa radyo. Mando nga na hangpan, gina respito kag gin tuman sang Radyo Bandera Investigative Reports Team sa area.10:05 PMGin istorya ni Lt. Col. Corpuz ang iloy kag gin paathagan nga ang pulis ang naga tinguha nga ipa surrender ang iya bata. Kag maximum tolerance ang iya order sa tropa apang, kun hinali mag palupok ang suspect sa mga pulis, lain na ina nga istorya. Basi mapilitan ang mga operatives nga mag balos luthang bilang depensa sa ila kaugalingon. Bagay nga na inchendihan sang naga kabalaka nga iloy.

A PLAUSIBLE REASON

Suno sa pamilya sang suspect, isa sang mga rason kun nga-a nangin agitated ang suspect bangud ini ang gin bulagan sang iya nobya nga taga Victorias. 2014 pa sang nagka relasyon ang suspect kag ang nobya sini apang off and on ang ila relasyon bangud nga may bisyo ang lalaki. Kag bangud indi na maka agwanta ang nobya, nag decide ini nga bulagan na lamang si Totsie kag gin block pa ini sa Facebook duha (2) na ka adlaw ang nag ligad. Ini man siguro ang rason kun nga-a nag suyop sang shabu ang suspect kag na ‘badtrip’ (several empty plastic sachets of shabu was recovered later in the suspect’s house and 1 small sachet containing suspected shabu). A BRILLIANT IDEA11:00 PMSa kagustohan sang ground commander nga ma resolve ang sitwasyon sa indi madugo-on nga paagi, tigayon nga na trace sang Women’s and Children’s Protection Desk (WCPD) ang puluy-an sang nobya kag didto na gin ayo ini nga pasakayan na lamang ang suspect kag istoryahon.Samtang naga pamati ang police, gin tawgan sang nobya ang suspect kag gin istorya sang tatlo ka beses. 11:10 PMTHE GATE IS OPEN, COME INSIDE

Sa pag pati nga nag balikay na sila nga duha, ang suspect ang nag hambal (as overheard by the police) “halungan mo gid lawas mo ha. Mabalik na ko bala sakay dason semana, gin patawag na ko sang agency.”Gin pa pati sang nobya ang suspect nga ini ang yara sa sagwa sang ila puluy-an. Nag hambal ang suspect “Sulod di bala sa balay, abri na ang gate.” Bangud sini, gilayon nga gin tawgan sang WCPD personnel ang ground commander nga open ang gate kag wala naka lock.

11:15 PM INCHING CLOSER TO THE GATE

Ang mga SWAT Team ang nag position amat amat pakadto sa gate samtang naga halong nga indi makit-an sa CCTV.Girlfriend: “Gwa di bala kay ari ko di sa sagwa”Suspect: “Ikaw di gani sulod kay open na ang gate”Girlfriend: “Indi ko ya, ma storya ko sa imo kun ihaboy mo imo armas sa sagwa kay nahadlok ko kay may armas ka.”

11:33 PMSUSPECT’S MISTAKE

Sa pag pati nga ang iya nobya ang ara sa sagwa kag wala naman sang pulis sa palibot, wala man sang FB live sang mga radio stations, gin butang sang suspect ang iya loaded nga armas sa katre kag ini ang nag panaug sa idalom sang balay.Gin abrihan sang suspect ang gate kag nag tamwa (just his head) agud lantawon kun ara ang iya nobya sa sagwa sang balay. Didto na kag ini ang gin gulpi sulod sang SWAT team nga yara lamang naka position sa kilid sang gate kag successful nga na immobilized ang suspect.

IT’S OVER

Didto na kag gin deklarar ni Lt. Col. Canja kag Lt. Col. Corpuz nga ibalik na ang kuryente kag natapos na ang tension nga nag hatag sang kakulba sa mga pumuluyo sa sulod sang masubra sa lima (5) ka oras.SEARCHING THE PLACEGilayon nga gin porma sang otoridad ang search team nga gina bug-osan sang himata sang suspect, Barangay chairwoman, duha (2) ka mga search personnel, police documentary cameraman, forensic technician, kag duha (2) ka Radyo Bandera reporters bilang media representative.BULLET HOLESNakit-an ang tatlo (3) ka mga igo sang bala sa sulod sang balay. Isa sa gate, isa sa bintana, kag isa man sa dingding sang salas.

SACHETS OF SHABU, ROLLED FOILS (EMPTY AND UNUSED)

Sa pag saka sang search team sa 2nd floor, didto nakit-an sa basurahan ang madamo nga empty elongated sachets sang suspected shabu kag rolled aluminum foils. Isa man ka small heat-sealed sachet nga may unod pa nga shabu ang nakit-an sa kwarto sang suspect.

LIVE BULLETS EVERYWHERE

Madamo sang mga live ammunitions ang nakit-an sa second floor nga naga linapta lamang. Bala sang .22 caliber, 5.56mm, 7.62mm kag .308 live ammos.

RECOVERED HIGH-POWERED SNIPER’S RIFLE

Isa ka chamber loaded nga sniper’s rifle with bi-pod accessory ang nakit-an sang search team nga naka tungtong sa ibabaw sang katre sa kwarto sang suspect. Ini ang isa ka US-made Remington Model 700 Caliber .308 bolt action rifle with serial number 726142IN POLICE CUSTODYSa karon, naga pabilin sa custodiya sang Victorias City Police Station (CPS) ang suspect kag naga pangatubang sang madamo nga kaso angot sa gin himo sini nga kremin kagab-i.

DRUGS RUINS LIFE

Sa ini nga istorya makit-an ang indi maayo nga epekto sang illegal nga droga. Isa ka manami kag financially stable nga trabaho ang naguba bangud lamang sa indi maayo nga bisyo. Gani panugyan sang Victorias PNP, mag untat na sang inyo bisyo bag-o pa man mag dangat sa indi mo gusto nga pagka priso.(This full story is based on actual interviews with the authorities, family members and neighbors)

AUTHORED BY: Jean Paul GenerosoSpecial thanks to my colleagues: Kabanderang Ding Taladico, Troy Tisoy, Roel Pineda, and Martin Dimaisip

- Advertisement -
Eljohn Castaño
Eljohn Castañohttps://www.facebook.com/eljohn.castano
Sir Eljohn is the news chief of Radyo Bandera Sweet FM Bacolod. A seasoned veteran journalist with decades of experience in the media industry.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles