Ginatun-an na sa karon sang Inter-Agency Task Force for the Management of Emerging Infectious Diseases (IATF) ang paghatag sang incentives sa mga Pilipino nga nabakunahan batok COVID-19.
Sa report ni COVID-19 chief implementer Carlito Galvez Jr sa presidente sang pungsod, ginpresentar sini ang lista sang mga suhestyon gikan sa pribado nga sektor agud ma-boost ang vaccination pinaagi sa paghatag sang insentibo.
“It means those who are vaccinated are the only ones who will be allowed to get out, to dine in and be allowed to travel without restrictions,” suno kay Galvez.
Lakip sa mga suhestyon sang pribado nga sektor ang pag-ganyat sa mga kompanya nga indi magbaton sa mga wala mabakunahan nga job applicants kag pagrequire sang RT-PCR tests sa mga empleyado nga wala mabakunahan.
Dugang pa sini ang suhestyon sa mandatoryo nga pagbakuna sa mga healthcare workers, school employees, public transport workers, civil servants, kag mga miyembro sang 4Ps; lakip man diri ang ‘unrestricted access’ sa mga pampubliko nga transportasyon, pagbiyahe, restaurants kag mga tourism establishments.”
