Tuesday, May 28, 2024

Ido Nagpositibo sa Monkeypox sa Paris, W.H.O. Nagpaandam

- Advertisement -

PARIS- Ginahingyo sang World Health Organization (WHO) ang mga indibidwal nga may yara sang monkeypox nga ipaidalum man sa isolation ang ila hinuptanan nga mga sapat agud malikawan nga malatnan ini sang nasambit nga virus matapos gin-anunsyo ang pinakauna nga kaso sang “human-to-dog transmission” ukon ido nga nalatnan sang monkeypox virus.

Cells of monkeypox virus. Photo from News Medical.

Gin-report sang isa ka medical journal ang pinakauna nga kaso sang “human-to-dog transmission” kun diin isa ka greyhound nga ido ang nalatnan sang duha ka lalaki sa Paris.

Suno kay Rosamund Lewis, technical lead sa monkeypox sang WHO, nakahibalo man ang mga eksperto nga posible matabo ang nasambit nga kaso.

- Advertisement -

Dugang pa ni Lewis, may posibilidad nga mag-“mutate” ukon magbag-o ang isa ka virus kun magsaylo ini sa iban nga “species” ukon nagkalain-lain nga sahi sang kasapatan nga magaresulta sa bag-o naman nga virus.

“This is the first case reported of human-to-animal transmission… and we believe it is the first instance of a canine being infected,” suno kay Lewis.

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles