Iloy ginbayaan ang 2-anyos nga bata sa balay; bata patay

Patay na sang masapwan ang isa ka 2-anyos nga bata matapos gina-alegar ginbayaan sang iloy sa ila balay sa Michuhol-gu, Incheon, South Korea sa sulod sang tatlo ka adlaw.

Base sa imbestigasyon sang kapulisan, ginbayaan sang 24-anyos nga iloy ang bata halin sang takna las dos sang hapon sang Lunes, Enero 30.

Ang iloy man mismo ang nag-report sa kapulisan nga wala na nagaginhawa ang iya bata.

Wala ginpahayag sang iloy kun ngaa ginbayaan sini ang bata apang nagapadayon ang imbestigasyon sang kapulisan agud mahibaluan ang rason sang iloy.

Nakahunong ang iloy sa kustodiya sang kapulisan kag posible nga magapang-atubang ini sang kaso nga child abuse.

Nahibaluan nga bulagay na ang mga ginikanan sang bata.