Monday, June 17, 2024

Iloy ginbuno kag ginlabo-patay sang 24-anyos nga live-in partner sang iya bata

- Advertisement -

Patay ang isa ka iloy matapos ginbuno kag ginlabo sang live-in partner sang iya bata nga babayi sa Brgy. Magsaysay, banwa sang Patnongon, Antique.

Ginkilala ang biktima sa kay Ginalyn Villanueva, 48-anyos nga residente sang nasambit nga lugar.

Samtang ginkilala naman ang suspek sa kay Benjamin Panaligan, 24-anyos nga live-in partner sang 17-anyos nga bata sang biktima kag residente naman sang Sitio Cabudipa sa nasambit nga banwa.

- Advertisement -

Suno kay Police Captain Berlyn Visda, officer-in-charge sang Patnongon Municipal Police Station, natabo ang insidente sang Lunes sang gab-i, Abril 24, matapos nangakig ang suspek bangud ginbawi sang biktima ang iya bata sang mahibaluan sini nga masami ini nga ginasakit sang suspek.

Dugang pa ni PCapt. Visda, nagdala sang binangon ang suspek padulong sa balay sang biktima.

Nakaangkon ang biktima sang tig-duha ka buno kag labo sa ulo kag may mga igo man ini sa abaga kag iban pa nga mga bahin sang lawas.

Nakaangkon sang duha tanan ka buno kag pito ka labo ang biktima nga gintunaan sang iya kamatayon.

Gilayon nga nagpalagyo ang suspek apang nadakpan ini pagkasunod nga aga sang Martes, Abril 25.

Yara ang suspek sa kustodiya sang kapulisan kag nagapang-atubang ini sang kaso nga ‘murder.’

Samtang yara sa kustodiya sang Department of Social Welfare and Development (DSWD) ang live-in partner kag ila bata nga masobra isa ka tuig pa lamang.

- Advertisement -

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles