BACOLOD CITY– Natapos na ang tatlo ka phases sang in-house training sang kapin 24 ka mga Bureau of Jail Manangement and Penology (BJMP) registered psychometricians subong nga adlaw sang Lunes, Oktubre 17, 2022.
Ang nasambit nga phases sang training ang naglawig tubtob sa lima ka bulan.
Una nga phase amo ang office-based training kun sa diin ang imbolbado nga mga indibidwal ang gin-orient kag gin-trained sa administration, scoring, pag-interpret kag pag-evaluate sang nagkalain-lain nga mga psychological test materials.
Ika-duha nga phase amo ang jail-based training kun sa diin gin-deploy sila sa National Capital Region (NCR) jails kag gin-trained man sila sa forensic psychology apang ang ika-tatlo nga phase amo ang center-based training kun sa diin yara sila sa National Center for Mental Health kag gin-orient sa nagkalain-lain nga kaso sang mental illness sang duha ka bulan.
Ang 24 ka mga registered psychometricians ang gina-ekspektar nga magabulig sa psychological services sang Jail Bureau.*
