Wednesday, July 24, 2024

INSIDENTE NGA PAGLING-LING SANG LALAKI SA BABAYE NGA NAGAPALIGO SA CR SANG QUARANTINE FACILITY SA BRGY SUM-AG, ISA LANG KA SUSPETSA KAG WALA SANG EBIDENSYA SUNO KAY COUNCILOR RENECITO NOVERO

- Advertisement -

Ginklaro ni Councilor Renecito Novero nga isa lamang ka suspetsa ang natabo nga paglingling sang isa ka lalaki sa cr sang quarantine facility sa Brgy Sum-ag.

Personal nga ginkadtuan ni Councilor Renecito Novero, ang quarantine facility sa Brgy Sum-ag matapos ini makabaton sang report nga may isa ka babaye ang nagahililibi-on kag naga reklamo nga ginlingling ini sang isa ka lalaki nga nagatrabaho sa nasambit nga pasilidad.

Suno kay Novero, imposible nga malinglingan ang babaye sa banyo bangud nahamtang ini sa ibabaw nga bahin sang building kag indi ini dali-dali nga matamwa.

- Advertisement -

Dugang pa sini, maayo ang record sang trabahador suno sa pila ka mga upod sini sa trabaho rasun para indi ini mapatihan.

Bangud sa kulang sa ebidensya, wala na ini ginpalab-ot pa sa barangay kag magaserbi nalang ini nga mensahe sa kadam-an ilabi na sa mga quarantine facilities nga maghalong kag bantayan ang tagsa-tagsa ka mga kaugalingon.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles