Ginluthang-patay ang isa ka drug personality sa Barangay Talaban, Himamaylan alas 12:45 sang ugto, Agosto 29,2021.
Siya ang ginkilala kay Marvin Flores Jansen, 43 anyos, kag residente sang Purok Casoy, Barangay Mambagaton, Himamaylan City.
Nahibaluan nga si Marvin ang halin sa Mambagaton padulong sa Binalbagan agud kuntani magtabo sa iya customer agud magbaligya sang kawayan.
Suno pa sa Himamaylan PNP nga si Marvin ang under probation sa idalom sang plea bargaining agreement sa iya kaso angot sa Republic Act 9165 ukon ukon comprehensive dangerous drug act.
Narekober sa crime scene ang 10 tanan ka basiyo sang caliber .45 kag ang biktima ang nakaangkon sang patal nga igo sang bala sa ulo.
Sa karon, wala pa sang person of interest ang Himamaylan PNP kag padayon pa ang imbestigasyon angot sa insidente.
