Ginpasakaan na sang kaso nga parricide batok sa isa ka anak nga nag-hostage kag nagpatay sa iya mismo kaugalingon nga iloy sa sulod sang ila balay sa Brgy. Mauanan, Rizal, Cagayan.
Ginkilala ang biktima nga si Seferina Favor samtang ang suspek amo si Ferdinand, 40-anyos wala sang trabaho kag ginapatihan may yara sang problema sa paminsaron.
Suno sa mga nagresponder nga pulis, pwersahan nga ginbuksan sang nagresponder nga pulis ang nakandado nga balay kag didto na nakita ang duguon nga lawas sang biktima samtang pilason naman ang suspek matapos sini ginbuno ang kaugalingon.
Gilayon naman nga gindala sa hospital ang mag-iloy apang dead on arrival ang biktima samtang nakaangkon naman sang pilas ang suspek.
Nahibaluan nga ikatatlo na ka beses nga nang-hostage sang himata ang suspek.
