ISA KA LALAKI GINLUTHANG-PATAY KAG NAGAHILIGDAON SA KILID SANG DALAN SA CIUDAD SANG KABANKALAN KAGAB-E

Patay na sang maabtan sang mga otoridad sa bahin sang National Highway, Sitio Biaren, Brgy. Linao ciudad sang Kabankalan ang isa ka lalaki nga yara sa kilid sang iya nga motorsiklo sa kilid sang dalan kag may igo sang bala sa ulo alas 6:00 kagab-e, Hunyo 14,2021.

Ang biktima ginkilala kay Sunny Tapdasan y Avellanosa kag taga Brgy. Tampalon sa amo nga ciudad.

Nakita sa crime scene ang isa ka deformed slug sang caliber .45, kag Philhealth ID sang biktima.

Sa karon, padayon pa ang imbestigasyon sang Kabankalan City Police Station angut sa rason sang pagluthang-patay sa biktima.