Nakuhaan sang video ang isa ka ride sa amusement park nga nag-malfunction.
Hinali na lang nga nahulog kag gulpiyada nga nagtupa sa platform sang ride nga ginatawag “drop tower” nga nagataas sang 50 ka tapak.
Kapin 50 ang sakay sang nasambit nga rides sa Punjab, India.
16 ka mga babayi kag mga kabataan ang gindala sa ospital bangud sang aksidente.
Nagluntad ang aksidente takna las 9:15 sang gab-i, sadtong Domingo, Setyembre 4.
Sa video nga gin-tweet ni Nikhil Choudhary, isa ka journalist sang TV9, makita nga maayo man ang pagtiyog sang ride apang sa ulihi nga porsyon, nahulog ang circular platform sang tower.
Maswerte naman nga wala sang napatay sa aksidente.
Suno sa mga organizers sang perya, “technical issue” ang nangin kabangdanan sang aksidente kag sila ang maga-kooperar sa kapulisan.*
