NORTHERN SAMAR – “Dead on the spot” ang isa ka soldado samtang lima naman ang pilason matapos maglupok ang landmine sa Catubig, Northern Samar sang Martes, Hulyo 19, 2022.
Wala naman ginpangalanan ang napatay nga soldado samtang gindala naman sa ospital ang mga lima nga pilason sa Eastern Visayas Medical Center agud mabulong.
Suno kay Captain Ryan Layug sang 8th Infantry Division Philippine Army, takna las 9:25 sang aga nagpatigayon ang grupo sang Community Support Program (CSP) sang combat patrol sa Barangay Osang, Catubig Northern Samar sang may naghinali nga naglupok.
Nagapanawagan naman ang military sa Commission on Human Rights bangud sa patigayon nga paglapas sang Komunistang NPA sa International Humanitarian Law Ottawa Convention ukon Mine Ban Treaty.
Sandig sa layi, mahugot nga ginadumilian ang pagkolekta kag pagbiyahe sang mga Anti-personnel mines.
