- Advertisement -
Patay ang duwa ka sakay samtang isa (1) ang pilason matapos ginpaarakan tiro ang ila ginasakyan nga Toyota Grandia Van sang mga suspek nga nakasakay sa Toyota Vios sa Barangay Aglalana, Passi City, pasado alas-tres kaina sang hapon, Setyembre 25.
Base sa inisyal nga impormasyon, gintupadan sang Vios nga sakay sang suspek ang van sang mga biktima kag nagpaarak sang tiro.
Nahibaluan nga padulong kuntani ang driver nga si Jinnefer Opina kaupod ang tatlo ka sakay sini sa Panit-an, Capiz.
- Advertisement -
Ginkilala ang mga napatay kay Jennilyn Griño kag Jomar Fuentes nga lunsay may mga igo sa ulo.
Samtang ang pilason amo si Kenneth Dorado nga may igo naman sa tiil.
- Advertisement -
