Patay ang isa ka staff sergeant samtang pilason naman ang duha ka iban pa lakip na diri ang gunman sa pagpangluthang nga nagluntad sa compound sang Philippine Military Academy sa Fort Del Pilar.
Suno sa inisyal nga report, alas 4:30 sang hapon sang Setyembre 29, may yara sang paglinalisay nga natabo sa tunga nanday Airman Second Class Christopher Lim kag Philippine Air Force (PAF) Staff Sgt. Vicencio Raton kag Army Staff Sergeant Joefrey Turqueza.
Bangud sang kainit dala sang tuman nga tensyon, nagkuha si Lim sang M-16 rifle sa second floor sang barracks sa sulod sang compound sang PMA kag ginluthang sanday Raton kag Turqueza.Killed-on-the-spot si Turqueza samtang si Raton naman apisar sang naangkon sini nga samad natigayon pa sini nga mapunggan si Lim kag ginbalusan man sang luthang.
Ang amo nga soldado ang gindala pa sa PMA hospital kg ginsaylo sang ulihi sa Baguio General Hospital and Medical Center kun sa diin si Turqueza gindeklarar nga patay.
