Isa sa Top 10 Drug Personalities sa Kabankalan, nadakpan na

Arestado ang isa sa ginakabig Top 10 Drug Personalities sa syudad sang Kabankalan sa ginpatigayon nga buy-bust operation sa Purok 2, Brgy. 6, sa nasambit nga syudad takna las-9 sang gab-i sang Lunes, Agosto 8.

Ginkilala ang mga suspetsado nga sanday Norelyn Esmane, alyas Negra, 42-anyos nga nalakip sa Top 10 Drug Personalities sang Kabankalan City Police Station kag Jermar Tanaleon, alyas Tingig, 38-anyos; lunsay mga residente sang nasambit nga lugar.

Nakumpiskar sa mga suspek ang pito ka sachets ang ginasuspetsahan shabu nga ginabulubanta may kabug-aton nga duha ka gramos kag nagabalor sang P13,600.

Nakahunong sa Kabankalan CPS ang mga suspek nga nagapang-atubang sang mga kaso sa paglapas sa R.A. 9165 ukon Comprehensive Dangerous Drugs Act.