Dapat man nga baylohan sang kapisan kag tampad nga pagserbisyo sa pumuluyo ang mataas nga sweldo sang mga uniformed personnel ilabi na sa hanay sang kapulisan.
Suno kay Police Lt. Abegael Donasco, tagpamaba sang Negros Occidental Police Provincial Office (NOCPPO), sugod sang pagsaka sang ila sweldo sang 2018 mas nagtaas ang morale sang mga kapulisan kag ila nabatyagan ang mas dako nga responsibilidad nga tumanon ang ila ginsumpaan nga trabaho.
“Bigger pay-ups, bigger responsibility, it’s a give and take relationship between nga government and the PNP”.
Suno pa diri, mas nagdamo ang luyag nga magsulod sa serbisyo bangud sa mataas nga sweldo apang dapat indi pagkalimtan sang mga luyag mangin pulis ang responsibilidad nga ila atubangon sa pagsulod sa serbisyo. Panugyan ni Donasco sa kaangay niya nga yara sa serbisyo nga likawan gid ang pagsulod sa mga iligal nga buluhaton ilabi na sa panahor kag druga.
Ini bangud bisan sila ang magaretiro na sa serbisyo sa gihapon may yara sila sang pagabatunon nga retirement benefits gikan sa gobyerno kag ini ang handum sang tagsa ka pulis nga magapahuway sa serbisyo nga wala sang dagta ang ila nga pangalan.
