Nagdangat na sa 64 ang kabilugan sang mga karsada kag taytay nga indi malabayan sa nagkalain-lain nga bahin sang pungsod bangud sa epekto sang paglaslas sang Bagyong Paeng, suno sa Department of Public Works and Highways (DPWH) sini nga Domingo, Oktubre 30.
Sa datos sang DPWHm 14 na ka road sections ang ginsarado sa Cordillera Administration Region (CAR), 18 sa Region VI, apat sa Region VIII, isa sa Region IX, tatlo sa Region XII kag tatlo sa Bangsamoro Autonomous Region in Muslim Mindanao (BARMM).
Ginsarado ang mga ini bangud sa pagtiphag sang mga duta, paglitik sang mga karsada, mudslide, naguba nga mga panimalay kag narumpag nga mga taytay.
Yara sa naman sa 27 ka mga karsada ang limitado nga ginapa-agyan sa National Capital Region II, Region III, Region IV-A, Region VI, Region VIII kag BARMM.
Ginsiling ni DPWH Secretary Manuel Bonoan nga nagapadayon naman ang ila clearing operation partikular na sa mga nagapanguna nga karsada agud mangin madasig ang pagdul-ong sang mga relief goods para sa mga ginbakwit sa evacuation areas.
“All other national roads and bridges in other affected regions are passable to all types of vehicles as of captioned date and time,” suno sa DPWH.
via Pilipino Star Ngayon Digital
