Nagdangat sa 412 ang mga bilyonaryo sa bilog nga kalibutan subong nga tuig kag mas madamo na ang mga bilyonaryo nga Chinese kaysa sa Amerikano.
Ini ang base sa Hurun Global Rich List 2021 nga 10 ka tuig na nga ginahimo ang ranking sang mga bilyonaryo sa kalibutan.
Suno sa Hurun Report 2021, 34.6% sa mga bilyonaryo sa karon ang may lahi nga Chinese.
Sa guwa sang China, kadam-an sa mga bilyonaryo nga Chinese ang mga Sy nga tag-iya sang SM,; Gokongwie nga tag-iya sang Universal Robina Corp. kag Cebu Pacific; Andrew Tan nga tag-iya sang Emperador brandy; Lucio Tan nga tag-iya sang Philippine Airlines kag Philippin National Bank; Ramon Ang nga tag-iya sang San Miguel Corp.; Tony Tan Caktiong nga tag-iya sang Jollibee; Lucio Co nga tag-iya sang Puregold; Mercedes Gotianun nga tag-iya sang Filinvest kag ang mga Ty nga tag-iya sang Metrobank.
Ang China ang una nga pungsod nga nakaangkon sang 1,000 ka bilyonaryo nga mas madamo pa sa mga bilyonaryo sang US, India, kag Germany kung e-combined ang tanan.
