Friday, March 29, 2024

Mga kamot ginlakot sa nilaga sa Bacolod; may upod nga listahan sang mga pangalan nga gina-alegar may kaangtanan sa iligal nga droga

- Advertisement -

BACOLOD CITY – Duha ka utod nga mga kamot sang tawo ang nakit-an sang isa ka kolektor sang basura sang IPM sa Purok Kagaykay, Brgy. 2, siudad sang Bacolod las-6:50 sang aga sang Miyerkules, Enero 25.

Photo courtesy of Jinn Siatita.
Photo courtesy of Jinn Siatita.

Nakasulod ang mga kamot sa container sang ice cream kun diin may yara ini sang sabaw, langka, kag batwan kaangay sang nilaga kag ginputos pa ini sa plastik kag karton.

Photo courtesy of Jinn Siatita.
Photo courtesy of Jinn Siatita.
Photo courtesy of Bhem Bhem.
Photo courtesy of Bhem Bhem.

Kaupod sang nakit-an nga mga kamot ang ¼ nga panid sang papel nga may lista sang 22 ka mga pangalan nga gina-alegar imbolbado sa iligal nga droga.

- Advertisement -
Photo courtesy of Jinn Siatita.
Photo courtesy of Jinn Siatita.

Ginkumpirmar naman ni Punong Barangay Emelda Banguanga nga lunsay mga pumuluyo sang Brgy. 2 ang yara sa listahan kag kalabanan sa mga ini ang anay priso nga nalakip sa drug watchlist kag surenderees sang barangay.

Nagakabalaka naman sa iya seguridad ang isa ka babayi nga nalakip sa listahan nga si Mary Rose Española.

Photo courtesy of Randy Coronel.
Photo courtesy of Randy Coronel.

Gin-aku ni Española nga napriso ini sa sulod sang isa ka tuig matapos madakpan sa buy-bust operation sang Setyembre 8 tuig 2019 apang nakaguwa ini pinaagi sa Plea Bargaining Agreement kag ginpaidalum sa Probation.

Nagapanawagan ini sa mga naghimo sang pagpamahug nga siguraduhon anay kun imbolbado sa gihapon sa pagduso sang iligal nga mga droga ang mga ginlakip sa listahan.

Dugang pa ni Española, wala na ini naga-intra sa iligal nga aktibidad humalin sang nakaguwa ini sa prisohan.

Gindala ang nasambit nga mga kamot sa punerarya kag natalana nga ipaidalum sa pagpang-usisa sang Scene of the Crime Operatives (SOCO).

- Advertisement -

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles