Ginkumpirmar ni Zeaphard Gerhart Caelian, tagpamuno sang Negros Occidental Provincial Disaster Management Program Division nga nagbuga sang asupre ang Kanlaon Volcano sini lang nga hapon, Pebrero 24.
Suno kay Caelian, normal nga aktibidad ini sang bulkan, nga yara sa Alert Level 1.
Indi pa karon nahibaluan ang kataason sang ginbuga nga asupre sang bulkan.
Sandig sa Kanlaon Volcano bulletin nga gin-isyu kaina sang aga, ang monitoring network sang bulkan ang naka record sang duha ka volcanic earthquakes sa sulod sang 24-hour observation period.
May kasarangan nga pagbuga sang puti nga steam-laden plumes nga nagataas sang 400 metros antes ini nagpadulong naaminhan-nakatungdan.
Ang sulfur dioxide (SO2) emission ang natakus naman sa average nga 587 tonnes/day sang Pebrero 17, 2021.
“Ground deformation data from continuous GPS and electronic tilt measurements have been recording a slight inflation of the lower and middle slopes since June 2020,” suno pa sa bulletin.
Ini nga mga parameters ang nagapakita nga may hyrothermal, tectonic ukon deep-seated magmatic nga proseso sa sulod sang bulkan.
Ginadilian gihapon ang pagsulod sa 4-kilometer radiud Permanent Danger Zone.*
