Tuesday, October 4, 2022

Kapin 150 ka Kabataan Patay sa Measles Outbreak sa Zimbabwe

- Advertisement -

ZIMBABWE- Patay ang 157 ka mga kabataan samtang 2,000 naman ang apektado sang measles outbreak sa Zimbabwe.

Nagdamo ang kaso sang measles sa southern Africa matapos marecord ang pinakauna nga kaso sa pungsod sang nagligad nga bulan.

Measles Virus. Photo from News Medical.

Masami nga gina-atake sang virus ang kabataan nga nagaresulta sa seryoso nga mga komplikasyon kaangay sang lupot, pagkabulag, paghubag sang utok, kag impeksyon sa respiratory system.

- Advertisement -

Kalakip sa mga sintoma sang measles ang pagtuhaw sang rashes sa nawung nga nagalapta sa bilog nga lawas.

Suno kay Information Minister Monica Mutsvangwa, pabaskugon pa sang gobyerno ang pagpangbakuna sa mga kabataan kag residente batuk sa measles virus.

Magasumiter man ang gobyerno sang “legal legislation” agud makapangayo sang kuwarta sa national disaster funds para matapna ang paglapta sang nasambit nga virus.

Madumduman sa bulan sang Abril nga gin-anunsyo sang World Health Organization (WHO) nga nagadamo ang mga kaso sa Africa bangud sa “delay” sa pagbakuna sa kabataan.

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

- Advertisement -

Latest Articles