Tuesday, October 4, 2022

Kapin tunga sa milyon nga balor sang ‘shabu’ nakumpiskar sa mag live-in partner sa Bacolod

- Advertisement -

Arestado ang isa ka lalaki nga high-value individual kag ang iya live-in partner matapos makuhaan sang kapin tunga sa milyon nga balor sang ginasuspetsahan shabu sa ginpatigayon nga buy-bust operation sa Purok Kawayan, Brgy. Banago, sa syudad sang Bacolod takna la una kaina sang kaagahon sini nga Martes, Agosto 9.

Photo courtesy of Bacolod City Police Office-Station 3.
Photo courtesy of Bacolod City Police Office-Station 3.

Ginkilala ang mga suspetsado nga sanday Rodmar Abada, alyas “Zan”, 37-anyos, kag isa ka high-value individual (HVI), kag ang 27-anyos nga live-in partner sini nga si Aunice Latuna, alyas “Denice”; lunsay mga residente sang nasambit nga lugar.

Nakumpiskar sa mga suspek ang 21 ka sachets ukon mga pakete sang ginasuspetsahan shabu nga may ginabulubanta nga kabug-aton nga 81 ka gramos kag nagabalor sang P550,800.

Photo courtesy of Bacolod City Police Office-Station 3.
Photo courtesy of Bacolod City Police Office-Station 3.
- Advertisement -

Suno kay Police Lieutenant Joeven Mogato, team leader sang  City Drug Enforcement Unit (CDEU), ila ginakabig nga high-value individual si Abada bangud nadakpan ini sang Abril tuig 2021 sa paglapas sa Section 5 kag 11 sang R.A. 9165 ukon Comprehensive Dangerous Drugs Act of 2002 kag nakaguwa ini sang Enero sini nga tuig apang naga-report ini sa iya probation officer kada bulan.

Photo courtesy of Bacolod City Police Office-Station 3.
Photo courtesy of Bacolod City Police Office-Station 3.

Base sa ginpatigayon nga monitoring sang kapulisan batuk kay Abada, nahibaluan nga duha ka dalagko nga mga supplier sang droga sa Bacolod ang iya nga ginakuhaan.

Yara subong sa kustodiya sang Police Station 3 ang mga suspek nga nagapang-atubang sang kaso sa paglapas liwat sa Section 5 kag 11 sang R.A. 9165.

- Advertisement -

Related Articles

Leave a Reply

Stay Connected

- Advertisement -

Latest Articles