Gin kumpirmar ni Police Captain Ryan Villasario, hepe sang Pulupandan PNP nga nabawian na sang kabuhi kaina sang aga ang lapsag matapos sila makabaton sang tawag mga alas 8:00 kaina sang aga gikan sa Valladolid hospital kung sa diin ini gintatap.
Sa karon, wala pa mahibaluan ang rason sang kamatayon sini.
Nagaguwa sa imbestigasyon nga gin-tago sang mag live-in ang pag busong sang babaye kag may posibilidad nga gin hungod ang pag lubong sa lapsag nga natukiban buhi pa matapos mag hibi.
Apang, base sa statement sang ginikanan nga patay na ang bata kag naga-violet na ini apang wala nila ini ginpa-check sa health center antes pa nila gin lubong.
Gin dugang pa ni Villasario nga wala man nagpangayo sang bulig ukon “assistance” ang mag live-in sa ila himata nga yara man lang sa Pulupandan.
Ginapatihan nga ang lapsag ang bunga sang “unwanted pregnancy”.
Ika-duwa na kuntani nga bata sang mag live-in ang nasambit nga lapsag.
Posible kaso nga “infanticide” ang ipasaka sang kapulisan batok sa ginikanan sang lapsag.
