Kaso nga murder napasaka na batuk sa mga suspek sa pagpatay kay Suarez sa Brgy. Granada

BACOLOD CITY – Ginkumpirmar ni PCpt. Francis Depasucat, commander sang Bacolod City Police Station 5, nga napasaka na ang kaso nga murder sini nga Miyerkules, Pebrero 22, batuk sa apat ka mga suspetsado sa pagluthang-patay kay Harold John Suarez sa Brgy. Granada.

Ginkilala ang mga suspek nga sanday Matt John Espoli, Rodzel Gonzales Espoli, Mark Torres, kag Arnold “Kalbo” Jaurege; lunsay mga tumandok sang Iloilo apang naga-arkila sang balay sa Charito Heights sa nasambit nga barangay.

Inaway tuga sa pagpangimon sang biktima sa mga suspek nga kustomer sang iya live-in partner nga isa ka masahista ang ginalantaw nga motibo sang mga suspek sa pagluthang-patay sa biktima.